आठवड्याच्या पहिल्याच दिवशी सोनं- चांदीच्या दरात घसरण
प्रतिनिधी | बुलडाणा
१ फेब्रुवारी रोजी भारताचा अर्थसंकल्प जाहीर झाला. यावेळी सोने आणि चांदीबाबत कोणतीही मोठी थेट घोषणा करण्यात आली नसली तरीही; अर्थसंकल्पानंतर कमोडिटी बाजारात सोने आणि चांदीच्या किमतीत मोठी घसरण झाली आहे. आज, २ फेब्रुवारी रोजी सकाळी राजधानी दिल्लीत २४ कॅरेट सोन्याचा भाव प्रति १० ग्रॅम साठी १ लाख ६० हजार ७२० रुपयांवर आला. तर मुंबईत हा भाव प्रति १० ग्रॅम १ लाख ६० हजार ५७० रुपयांवर पोहोचला आहे. गेल्या तीन दिवसांपासून सोने आणि चांदीच्या किमतीत घसरण (Gold Silver Price Crash) सुरूच आहे. सोन्याप्रमाणेच चांदीच्या घसरणीचा कलही कायम आहे. २ फेब्रुवारी रोजी सकाळी चांदीची किंमत प्रति किलोग्रॅम ३,४९,९०० रुपयांपर्यंत घसरली. एका आठवड्यात किंमत १५ हजार रुपयांनी वाढली आहे.
अशी आहे सोन्याचे दर :
मुंबई, चेन्नई आणि कोलकात्यात सोन्याचे दर: सध्या मुंबई, चेन्नई आणि कोलकाता येथे २२ कॅरेट सोन्याची किंमत प्रति १० ग्रॅम १,४७,१९० रुपये आहे, तर २४ कॅरेट सोन्याची किंमत प्रति १० ग्रॅमसाठी १,६०,५७० रुपये इतका आहे.
