टी-20 वर्ल्डकप, नेपाळचे इंडिजला 134 धावांचे आव्हान
मुंबई,
टी-२० विश्वचषकाच्या २५ व्या सामन्यात नेपाळने वेस्ट इंडिजसमोर १३४ धावांचे लक्ष्य ठेवले. मुंबईतील वानखेडे स्टेडियमवर सुरू असलेल्या या सामन्यात वेस्ट इंडिजने नाणेफेक जिंकून गोलंदाजीचा निर्णय घेतला. प्रथम फलंदाजी करताना नेपाळने २० षटकांत ८ गडी गमावून १३३ धावा केल्या. नेपाळकडून दीपेंद्र सिंग ऐरीने ४७ चेंडूत ५८ धावा करत अर्धशतक झळकावले. सोमपाल कामी १५ चेंडूत २६ धावा करत नाबाद राहिला. लोकेश बामने १३ धावा केल्या, तर गुलशन झा आणि आसिफ शेख यांनी प्रत्येकी ११ धावा केल्या. वेस्ट इंडिजकडून जेसन होल्डरने ४ बळी घेतले. रोस्टन चेस, मॅथ्यू फोर्ड, अकील हुसेन आणि शमार जोसेफ यांनी प्रत्येकी १ बळी घेतला.
टी-२० विश्वचषकाच्या इतिहासात नेपाळकडून ५०+ धावा करणारा एरी दुसरा खेळाडू ठरला. यापूर्वीचा सर्वोच्च विक्रम सुभाष खाकुरेल यांनी २०१४ मध्ये चॅटोग्राममध्ये अफगाणिस्तानविरुद्ध केलेल्या ५६ धावा होत्या.
