विनेश फोगाटचे 20 महिन्यांनंतर कुस्तीमध्ये पुनरागमन
नवी दिल्ली | प्रतिनिधी
विनेश फोगाट 20 महिन्यांनंतर कोणत्याही कुस्ती स्पर्धेत भाग घेणार आहे. तिने मंगळवारी उत्तर प्रदेशच्या नॅशनल ओपन रँकिंग स्पर्धेसाठी नोंदणी केली. विनेशने X वर पोस्ट करून ही माहिती दिली. मात्र, विनेशने यापूर्वी आरोप केला होता की, रेसलिंग फेडरेशन ऑफ इंडिया (WFI) तिला स्पर्धेत भाग घेण्यापासून रोखत आहे.
विनेशच्या नोंदणीला झालेल्या उशिराबद्दल WFI ने सांगितले की, पोर्टलमध्ये तांत्रिक अडचण आली होती. यामुळे केवळ विनेशच नाही, तर अनेक पैलवानांची नोंदणी रखडली होती. नंतर लिंक उघडल्यावर एंट्री सबमिट झाली. फेडरेशनने सांगितले की, विनेशची नोंदणी सोमवार रात्री 10:29 वाजता पूर्ण झाली होती, तर विनेशने तिच्या पोस्टमध्ये मंगळवारी सकाळी याचा उल्लेख केला आहे. रिस ऑलिम्पिक 2024 मध्ये विनेशने 50 किलोग्राम फ्री-स्टाइल कुस्तीमध्ये भाग घेतला होता. तिने उत्कृष्ट कामगिरी करत अंतिम फेरीत स्थान मिळवले होते, परंतु सामन्यापूर्वी तिचे वजन सुमारे 100 ग्रॅम जास्त आढळले. यानंतर ऑलिम्पिक नियमांनुसार तिला स्पर्धेतून अपात्र ठरवण्यात आले. यामुळे दुःखी होऊन विनेशने 8 ऑगस्ट रोजी निवृत्तीची घोषणा केली होती. तथापि, डिसेंबर 2024 मध्ये तिने आपली निवृत्ती मागे घेतली.
